Официальный сайт Рутульского района!!!

За вас аязбыр кихьир а
Гьердыхда джуду меаьна а.
****
Аязара шыв руфурды,
Ара гийкьыйне гьац1аси.
****
Къаршуда лаъ хин хьачылды
Ъыр мада рак паджилды.
****
Зас сыва хъу1гъу1с йыгардиш
Агъыла нин гьахъвардиш.
****
Кьарахъ сыва свал валгара
Паджилды ригя лалгара.
****
Дуруус пир гъад майдана
Садакьабыр а гардана.
****
Зийидешы сыв сайиред
Садакьабыр гьаъ хайиред.
****
Майданырмы быч1 бала гъа
Быч1ка быт1рад дух хыле ха.
****
Мугьуды гьала йиз гимада
Сыва дуруус вахтбыр мада.
****
Е ес гьагур а шегьербыр
Сийир мада му1къма халбыр.
****
Балад аязбыр гьац1ара
Мабдиш гьаммыкла ес чара.
****
Джан Лалаан лывырхаддиш
Вала темизды хьед аддиш.
****
Гьарай выыр ливиркьардиш
Гилиехьде гидиркьардиш.
****
За вада гьамыъ джуруфуд
Са йыгъ йидкыйне хъуруфуд.
****
За джуфуйне ва1с гьац1ырдиш
Ва1с йисды къадри вац1ырдиш.
****
Гьарай джан нин зы гьурфури
Джыганийис йис рывыри?
****
Гьатхыд банбыр дуьз йишири
Багьадбыр уджуз дишири.
****
Банымы гъургъад бейниван,
Пергер хадишды пегьливан.
****
Хыных джандыла хъыгара
Гъивкьид угут выр йыгара.
****
За гьуфуйне вы гийкьырдиш
Вас зы йик1ыки хъиркьырдиш.
****
Лаъсывымы быч1 гьугъара
Вы быч1ымык ругъургъара.
****
Йисды язухъ мыс йикиси?
Мыс вахда инсаф викиси ?
****
Е1абалашде хад ха1ба1хъа1н,
Ехда сучне вы гъа1на1ха1н.
****
Хьадид аяз серинды и
Вы балана деринды и.
****
Аязара хъа1рупшура
Вылц1ардиш ихтияр шура.
****
Еквес литфуд гуджлид аяз
Вы мыс гийкьаси гьай къаммаз?
***
Гьуфус руурдиш рышеда
Мыс гийкьаси йыгад гада?
****
Мыкьды хьед ад кьарахъ мири
Вы йиды ришир а хари?
****
Рышед кьулу хъа1шды бирчек
Вас зы хъыгардишме герчек?
****
Джан нин ва зы джурху рийдин,
Ми йыгъбыр за джугъу1рейдин.
****
Выхьди девлет вишихь бала.
Хьыв был йишишихь гьер са хала.
****
Ес выгад и гьер са йимиш.
Мы1ха1биши чеч улуддиш.
****
Нац1урыра гьын йихире.
Ва исды зегьле вихире.
****
Малбыр хъил сыва саъ.
Йыва джац1ыр кгьудкасды маъ.
***
Йыхды йишихь, писды ма1гьу1хь.
Са выш лиджийир хъу1ма1гьу1хь.
****
Уле фуйне хы1в гиджвирхьед
Сукуйне хвах а хивирхьед.
****
Мадды карбыр зас гьац1ардиш.
Севгияла лаъ хъуд аддиш.
****
Янгьылмишвалды ду1з хъаваъ.
Ма киджикад карбыр хъамаъ.
****
Гвалах кефдис выгадкал ваъ.
Хьадид езелбыр ъхьл маъ.
****
К1ак1ал сывхы1с хы1в гидишды,
Йу1ккьдидихьде гич1ирхьат1и.
****
Джугурафан сес вич1ердиш.
Йик1ис пыгад зас рич1ердиш.
****
Джвер диидкал хъеъ дыкьаси.
Гыра ад дуру выкьаси.
****
Вы хъикьасды вахт вац1ардиш.
Вакла умуд варатурдиш.
****
Мас лукуйне руг липфут1и.
Адгыд кардик ил кипфут1и.
****
Йихире ади хьидире
Хыле кул выри йинчире.
****
К1ак1ал сывырха1д бахтивар.
Вас гыч закла ама хабар?
****
Мы1ха1 а духре_лан зурбад.
Хылире убул хывыркьад.
****
Телесыхвелик ц1ай китфухь.
Ч1ирид йик1 од ц1ире гьурфухь.
****
Руфудмы инамиш мвегь.
Гьекъикъет джавац1ыр хъу1мвегь.
****
Рагьыныхда кадар аддиш.
Гьадире чинбыр сырха1ддиш.
****
Дуьзды гьакь йыгад - «нагьакь» и.
Ихтияр хад мысга гьакь и.
***
Са ц1ирфумад ц1ай йич1есдиш.
Гьа джагвант1ый вас рич1есдиш.
***
Ми дуьня видж карки диш.
Гьийгьа гьагуд быга мардиш.
***
Ливкьыд хахъакьас йич1еддиш.
Дешиникла чара мабдиш.
***
Бегдедбишды къадри аддиш.
Кьулу йыгь джит1кьыр дац1ардиш.
***
Достна душман зас дац1ардиш.
Кьулу са йыгь йидкьыр адиш.
***
Са хылида гап вич1ердиш.
Къуншиед руш зас рич1ердиш.
***
Гьай выхьды духре сагь дишихь.
Арха маки гуджли йишихь.
***
Джухьды куьгьнед аьунармыкла
Кьа1сды - кьуфдыбыр далгара.
***
Викьис выгад тылыере,
Сагьибед шалам улере.
***
Ширинды сирбыр гьаасна,
Зас гьабишды ч1ел вац1ардиш.
***
Хыл лийисма вы йис йин
Гьагвардишле выг1ыл хъил.
***
Булах лувкъур шумбыр мада.
Адиш вала зурбад гада.
***
Лалаанад хтиды гъад ру1х
Хъыргад яр быт1рана у1ру1х.
***
Гитфуд у1лес зас хы1в гидиш.
Адиш вала идды емиш.
***
Вы захда геркьын бадана,
Кьыле ваъ зафон сытана.
***
Некыдире гьурфуние,
Гьуф джывыыр рагьардиш хье.
***
Губгасды сыва гъамаба.
Джвер шишбыр гьазыр гьыыр а.
***
Джандыхда сагъвалды адиш.
Йидыхдана хыл вич1ердиш.
***
Гьутфуд ч1иры укь хъикьаси.
Пашмалды йик1 шад хъикиси.
***
Дерин лаъ сес гывгьа1ре.
Йис йихьды гьа1 выгъыргъа1ре?
***
Леч1удухъун йыхвалды ваъ.
Ва гьеч душман къазамиш маъ.
***
Мийман йил йихьды му1къа1
Йилине луджурзур рыкъа1.
***
Виргъихда гадкъас рккрдиш.
Гьаса гуджлид нур ма аддиш.
***
Йывандире макь у1деддиш.
Макь йил йыма1лед емиш.
***
Йыма1л выхьас сивиргара
Джи хукад джыгал сывхара.
***
Йыма1л багьди кивикардиш
Гьадид кьуле гьакьал адиш.
***
Хала гьухудна гьаджагуд,
Гьа вырыра аъ каджабгъуд.
***
Е шад дии ц1инди сыды.
Гъамид йишихь куьгьнедбыйды.
***
Быч1ыхда ранг мадишдики,
Хасиетбыр быч1итбыр и.
***
Т1акьат джандыхда мабдишди,
Леджегьу1дмык йидис кид и?
***
Къурах ади лугьуд гьугъал,
Къизилефан йил сакал.
***
Мегьилед дид виригь вии.
Гьадид нинки былды хьед и.
***
Е уьлке ари хивхьири.
Гьамыъдыбише гьивхьири.
***
Вы к1вагьаек кид гьай давар.
Сагьибекла ама хабар?
***
Шадвалдыбыр ад халыхда,
Лаъвалдыбыр ки руура.
***
Къанун кьуле вуруурдиш.
Гьадид джыбра вышга хъудиш.
***
Аязбыр гьаъ, сес сивига.
Гаф выйне кьуле выгырга.
***
Бырджбыр хакьын регьет йил.
Хъывын эккед зегьмет вии.
***
Ният гьыыр гьил лихьиси.
Банад кеэлы рууси.
***
Балад мирима хьед мадиш .
Хьед адишне хьыв йич1ердиш.
***
Янгъылмиш йикисды камаъ.
Хьыдылнийда яш хутка маъ.
***
Деаьвиди йыхы1н руутьи.
Гъминийды к1ыб хъу1гъу1т1и.
***
Кьа1свалдыкийыхды виш.
Джис лейихды гьуьрмет ади.
***
Шуна къайгъубыр дуьз гьаас?
Йы1кь т1ыба ад йила аргас?
***
Йихьды джанбыр гъыдиле диш.
Гтахди калды гьамам адиш.
***
Вы четинне лаъ лурзара.
Зы хъыыри гьмамара.
***
Вы къавахад хука ла1ма1гь.
Хьед гьаджагур аьац1ула ма1гь.
***
Йидгьыр сытхы1йне дышманарч1ел са дживч1ид мусульманар
***
Выхда вишифна гьерекет,
Хъуна выкьаси берекет.
***
Вы тамашеджыыр хъу1ма1гъ.
Быт1рад кардымы бехил ма1гь.
***
Ва дишдикар гьуфусды маъ.
Фитнекар уьлкуьда гум гьаъ.
***
Ихдилатбыр йим дерин.
Выды гьакьалдис аферин.
***
Гьуьрмуьтдик кьиймет вылц1ардиш.
Джила лаъ хъуд карки аддиш.
***
Дур еккенеигъитфури.
Кьа1ч1ила кьу1л игьинфури.
***
Мыхрыд дарман ц1угьулдид маъ,
Вас к1веч1ды кар маннийис маъ.
***
Джурба - джура а неаьнибыр.
Меаьна адик ки хылибыр!
***
Сиэне силагьбыр са диш.
Ч1илыла гьусурды адиш.
***
Г1арара джыгал сывхара.
Хасиет адкал салтара.
***
Ватандид ва тарих ха1р гьаъ.
Писды карбыр тэкрар хъамаъ.
***
Вы гьеммише гудж хана йиш.
Гьакьал вас гьеч лазим мадиш.
***
Инамиш дикисне гьаад.
Мыхьджебала адиш мыкьлад.
***
Арыди дживч1ийне гвалах
Вы гьайвыр китабахда ях.
***
Хала адишды китабыр
Кидишдыкал и гъу1либыр.
***
Декьы1лдид бокалбыр хъут1аъ.
У1муьрдикла сенбыр кут1гьаъ.
***
Дженнетдид ра1хъ ъвыргардиш.
Гунагь кинийис гьувгардиш.
***
Ва1йидгьыра ц1инды хала.
Куьгьнед ихдилатбыр хана.
***
За руфура ад ч1илды ун йиш:
Ублире убул вуу1леддиш.
***
Маннийды ч1к1гьбыр гьагваад.
Т1илабыр темизне йыгад.
***
Ялар йидидбыр йииди,
Джац1ыр кыма1рых ва багъди.
***
Хук тезене а1гьыбхье ваъ.
Хинимер лап к1аъна ха1р даъ.
***
Эдемивалды анийда,
Хагьас руура выдж джуда.
***
Гьакь адищды ера лирфухь.
Вы перест ройкадик кирфухь.
***
Ва сифтед быч1быр лудкьури,
Хьад хъелескал к1ыб йидкьыри.
***
Перестройка сснбишис йишири
Аьамалдарар лап к1ыб варлы дишири.
***
Витене е быч1быр гьаас
Ширин джендис дарман ваас.
***
Халыхда са юн йыгара
Юн хадишды хал гьалхвара.
***
Нагьакьдихьде зас хы1в гидиш
Йинчида ихтияр адиш.
***
Идды емиш кид га1рия,
Гьеч хыл леркьардиш ерия.
***
Джегьилер пис дурууддиш
Йыхды девир йиткьыр адиш.
***
Джвер джу макъыет дыгара
Гьеким шунага йыгара.
***
Дост йыгара игьтибар гъад
Сирбыр гьаас мы1хъ хакьырад.
***
Руудухъун чалышмишдиш,
Леке джагвара хъич1едддиш.
***
Къанунахда гудж хъумабдиш,
Ва1с гьац1ки, гьу1куьиет мардиш.
***
Га1шды к1ат1ырыс уьлуьхьде,
Сукбыр гьагвара никьихьде.
***
Ва1мыскал бегьем дикиси?
Йихьды дават мыс викиси?
***
Рак ачых и, эмеч1ирыхь,
Ихтияр лувшур хьели рых.
***
Вакгьеч гъубагь йип1т1ир адиш.
Итид кьиймет вас вац1ардиш.
***
Ва1с гьгуды инамиш диш.
Ун зхы1хы1д ва1 хъаъ азтармиш.
***
Йыхды ихдилат гьаади,
Ун лепшура бышниеки.
***
Ац1ыд гыт1 саъ а1кьылхьа1ре.
Кьул лаъ ваара па1ч1дире.
***
Вы ч1укана сугьуфнаки,
Дуьзвалды ваъ гьакь рат1уди.
***
Гы1тирис негьер йишири.
Кьу1лешды кулис вишири.
***
Къабырма ари шыв ади,
Гаджадкъыр йила гьац1аси.
***
Билбилед сес ширин вии.
Гьа са карды мачхул вии.
***
Гьеч виригьуджу1вгьу1д хала,
Докторар а1ч1уси бала.
***
Йидиклага каркгьет1ийне,
Мысна аргасдиш га1шене.
***
Уьлкьмыд меслеаьет йишихь.
Инсанарки эслегь дишихь.
***
Гьуфуйне миз вуруфара.
Джуфуйенки йик1 гьулфара.
***
Гаф, кьиймет гъад джигиди ваъ.
Кьммахашде ч1ел ч1ир мываъ.
***
Лешун бадана кьфды дур,
Уьыде ваъ ва гьеч хъа1хъджа1ч1ур.
***
Ва1с йыганнакун кьул у1ву1ху1с,
Леч1ур йыкара миз у1ву1ху1с.
***
Быч1ид аьуьмуьр ц1амды вии фур.
Джамесебе аниий гьуфур.
***
Гьанийды лыъныхда гамакъ
Вы ганийды леч1уныхда гакъ.
***
Вы кьуфды, зы валаки кьуфды
Хашыв гьал гъывха1си йыванды!
***
Джинисды кар хы1ва1 лема1буч.
Ч1ел выр анакун, хъуъ га1хъма1буч1.
***
Гъы1лдид ц1ыдды виригъ гъад йыгана,
Мыч1ахъды выш хамарыкь сана.
***
Алчахнийда бырдж хакьыныла,
Саъ зхуд кар йидж дуьняды ама?
***
Быт1равалды гьеммишелич диш.
Мызх йызы1д капыр кизхийт1ердиш.
***
Зы гинрал йиш никьихьде.
Чинбыр сехъет1ири киирфуйне.
***
Бышдыне лалды вафан адики,
Дагулды сир ачых маъ гьадики.
***
Джирхьадбыйды гьеч фури хъырха1диш.
Джалгадбыйды янгъылмиш руурдиш.
***
Йикьийне кьамч1елий гьан1т1усдызхаъ,
Гьа марана ла1гъу1д гьуьрметбыр гьаъ.
***
Жевлетдид кьадар вац1ын бадана,
Куьчмиш йиш вы хырада сахала.
***
Йиван йила йиширдики лу1вшихь,
Анджах гьа видж гъеблид йиргъа вишихь.
***
Выдж гьакьаллына гьагваас йыгад,
Йолдашешис гьа гьагурки джыгад.
***
Ахмакьад гвалах мысга гуджефан,
Гьакьаллыед ширинды мизифан.
***
Ватандызда са кхайде- къанун мабдиш.
Седзьыбишис гьугълала гихъич1ердиш.
***
Беаьзибише джус йвишид везере.
Гъавырдик кид ун джишидкал гийрхьере.
***
Ахмакьвафан мываъ зарафат бала.
Аддиш гьанийды сиэнбыр хала.
***
Ламыссызаше джвер дагул гьаара,
Темиздыбишыхда м1или ваара.
***
Йилдыга инсан магнъалык кикара.
Гвалахбыр хъыджыъйне мы1хъхаркьара.
***
Девлетбыр гьалысна ситфур аргардиш.
Кьуля четин джишир, регьет руурдиш.
***
Агъыед хасиетмыла асыллы
Вишир а рейаьетед джандид сагъвалды.
***
Тебиэтере вас зегьин выр адиш,
Университетед гьады кар гъадиш.
***
Хьед адишне дериды ру1х сирхьедиш.
Кьулире джарат1уд варды йич1едиш.
***
Зы хъалгардиш- еш гьат1уйне гибугкал.
Гьеннийис пай гьыыр сенбыр сипфудкал.
***
Фуригине ва зегьмет биир йыгара.
Теаьрифбыр гьаасдыбыр джьибра хъуна а.
***
Лала мири чала сыва кьвебне вии.
Джан хъыргар яр джар хана майдана рии.
***
Зубабыр хъихьир рышба1 мектебе дии.
Аьейиб шивди джац1ын бахтсызвалды вии.
***
У1лед, лаад ватандидкалды аддиш.
Мадда йихидмыхда са реаьбет аддиш.
***
Беаьзибишис са кьадар кьыле выъйне,
Дидне нинки адылкардиш бегемишне.
***
Сырыхды гьаание фикир вылц1ардиш,
Сагьибере шуна гьыърди къазамиш.
***
Дагулды гьалал руудкалки гьагвада.
Балад дагулдыбыр бугъаза алгара.
***
Фашистешифан деаьвиди дишири.
Сыние са йикьин пеше вишири.
***
Выг1ылды джус лазимдид джыбра йии.
Вы куба дибиркал макъыет рии.
***
Куьгьнед душманадаки эгьдиет диш.
Дикисды дишиддбише кьиймет выр йыгара.
***
Мидифан за аязбыр луза хъаара.
Ма йидикла кихьисды фикир ваара.

Чувствуйте себя, как дома